„Eru þessir kappar ekki að selja tónlistina sína?“

Páll Ketilsson, ritstjóri Víkurfrétta, fjallar um hina umdeildu tónlistarhátíð, Keflavík Music Festival, í ritstjórnarpistli sínum í dag.

„Mörgum Suðurnesjamönnum leiddist sú umræða sem skapaðist í fjölmiðlum og í samfélagsmiðlum,“ skrifar Páll, og segir að svo virðist sem hátíðin hafi gengið ágætlega á heildina litið og að „lítill hluti þeirra atriða sem auglýst voru“ hafi dottið út.

„Orðspor bæjarins skaðaðist eitthvað í þessu fjöri og því er mikilvægt að forsvarsmenn hátíðarinnar sem hafa gefið það út að hún verði aftur á næsta ári, vandi sig enn betur svo svona uppákomur verði ekki aftur.“

Páll segir að honum hafi þó orðið hugsi til þekktra tónlistarmanna eins og Bubba og KK, en þeir hættu báðir við að koma fram á hátíðinni vegna vanefnda skipuleggjenda.

„Eru þessir kappar ekki að selja tónlistina sína? Var ekki Bubbi að gefa út nýjan disk fyrir nokkru vikum síðan? Hefði ekki verið snjallt hjá honum að auglýsa hann á hátíðinni og í leiðinni að segja að hann vildi leggja sitt af mörkum til hátíðarinnar, sem hefði falist í áhættu á að fá greitt eftir að hafa komið fram? Hefði hann ekki unnið mörg prik hjá Suðurnesjamönnum?“

Pistil Páls má lesa í heild sinni hér.