Gefa bíómiða um hábjartan dag á leik Íslands og Króatíu

Landsleikur Íslands gegn Króatíu sem fram fer 15. nóvember næstkomandi verður sýndur í beinni útsendingu í Smárabíó. Miðasala á leikinn á Laugardalsvelli var í meira lagi umdeild en sala á miðum á leikinn hófst um miðja nótt og var uppselt á leikinn skömmu fyrir klukkan átta á þriðjudagsmorgun.

Smárabíó ætlar í samtarfi við RÚV að bjóða þeim sem ekki geta horft á leikinn á sjálfum Laugardalsvelli að næla sér í fríann miða á leikinn í Smárabíó sem sýndur verður í frábærum myndgæðum. Leikurinn verður mikilvægasti knattspyrnuleikur sem íslenskt karlalandslið hefur leikið.

Hægt verður að nálgast miða á eMiði.is og í miðasölu Smárabíós frá kl. 15:00 á morgun, mánudaginn 4. nóvember. „Þú þarft ekki að vaka eftir miðum því við ætlum að gefa þá um hábjartan dag,“ segir á heimasíðu Smárabíós.