Þetta hús er þitt fyrir níu milljarða

Söngkonan Celine Dion er búin að setja glæsihýsi sitt á Flórída á sölu. Ásett verð er hvorki meira né minna en 75,5 milljónir dollarar, rúmir níu milljarðar króna.

Celine eyðir minna en mánuði á heimilinu á ári þar sem hún hefur nú aðsetur í Las Vegas. Þar skemmtir hún í Cesar’s Palace og hefur samningur hennar verið framlengdur til ársins 2019. Frítímanum eyðir hún síðan í Montreal í Kanada.

Celine og eiginmaður hennar Rene Angelil létu byggja heimilið rétt áður en þau eignuðust tvíburana Nelson og Eddie fyrir þremur árum. Húsið er búið fimm svefnherbergjum og er baðherbergi innangengt í þeim öllum. Þá fylgir húsinu einnig gestahús með átta svefnherbergjum, tennisvöllur, golfvöllur, þrjár sundlaugar og bílskúr sem getur hýst allt að sjö bíla.

Dragðu Tarotspil dagsins hér.