Innlent

Fengu sér vöfflur með kaffinu

Boði Logason skrifar
Bjarni Ben og Sigmundur Davíð fengu sér vöfflur í dag. Hversu margar á mann, fylgir sögunni ekki.
Bjarni Ben og Sigmundur Davíð fengu sér vöfflur í dag. Hversu margar á mann, fylgir sögunni ekki.
Sigmundur Davíð Gunnlaugsson, formaður Framsóknarflokksins, og Bjarni Benediktsson, formaður Sjálfstæðisflokksins, borðuðu vöfflur með kaffinu í dag, samkvæmt upplýsingum frá Jóhannesi Þ. Skúlasyni, aðstoðarmanni Sigmundar Davíðs.

Ekki liggur fyrir hvort að deigið í vöfflunum var keypt í Krónunni í morgun, en þar stoppuðu þeir félagar áður en þeir héldu til stjórnarmyndunar úti á landi. Þeir vilja ekki gefa upp hvar þeir funda.

Samkvæmt upplýsingum frá aðstoðarmanninum stendur fundur Bjarna og Sigmundar Davíðs enn yfir. Fundurinn hafi verið góður og farið hefur verið yfir ýmis mál.

Sigmundur Davíð fékk stjórnarmyndunarumboð frá Ólafi Ragnari Grímssyni, forseta Íslands, á þriðjudaginn.


Tengdar fréttir

Keyptu saman í matinn í morgun

Sigmundur Davíð Gunnlaugsson, formaður Framsóknarflokksins, og Bjarni Benediktsson, formaður Sjálfstæðisflokksins, sáust í Krónunni í Mosfellsbæ snemma í morgun.

Skora á félagana að skoða strimilinn

Samtök verslunar og þjónustu skora á Bjarna Benediktsson, formann Sjálfstæðisflokksins, og Sigmund Davíð Gunnlaugsson, formann Framsóknarflokksins, að skoða strimilinn sem þeir fengu við matarinnkaupin í Krónunni í Mosfellsbæ í morgun.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.