David Moyes verður tilkynntur sem nýr stjóri United á morgun

David Moyes verður næsti knattspyrnustjóri Manchester United og mun taka við starfi Sir Alex Ferguson. Enskir miðlar hafa heimildir fyrir því að Moyes verði tilkynntur eftirmaður Fergie á morgun.

David Moyes er nýorðinn fimmtugur en hann er Skoti eins og Sir Alex Ferguson sem hefur stýrt liði Manchester United frá árinu 1986. Moyes hefur verið stjóri Everton frá árinu 2002.

David Moyes var strax nefndur til sögunnar þegar það kom í ljós að Sir Alex Ferguson yrði ekki áfram með Manchester United liðið en það er ljóst að það bíður  Moyes krefjandi strax að fylla í fótspor hins sigursæla Sir Alex.