Birgitta komin til Bandaríkjanna

Birgitta Jónsdóttir, þingmaður Hreyfingarinnar og frambjóðandi Pírata, lenti í New York síðla kvölds í gær. Hún sendi smáskilaboð til Íslands eftir að hún steig út af Kennedy flugvellinum, eftir því sem fram kemur í tilkynningu frá Pírötum.

Birgitta mun dvelja í Bandaríkjunum fram yfir helgi, en hún tekur þátt í viðburði til stuðnings Bradley Manning sem hefur verið í haldi síðan í maí 2010 fyrir að leka skjölum til Wikileaks. Gögnin urðu meðal annars til þess að Wikileaks birti myndskeið úr Apache þyrlu Bandaríkjamann, þar sem skotið er á fréttamenn og óvopnaða borgara.