Utandeildarleikmaður á leið til Liverpool

Sky Sports segir frá því í morgun að enska úrvalsdeildarliðið Liverpool sé að skoða það að semja við framherjann Daniel Carr sem hefur farið á skotum með Dulwich Hamlet í ensku utandeildinni í fótbolta.

Daniel Carr er aðeins 18 ára gamall og hefur skorað 23 mörk í 23 leikjum með Dulwich Hamlet í Ryman-deildinni. Hann var áður í unglingakademíu Reading.

Liverpool er ekki eina liðið sem er að skoða Daniel Carr því vitað er af áhuga annara liða í ensku úrvalsdeildinni sem og liða í ensku b-deildinni.

Liverpool hefur gengið lengst og hafa forráðamenn félagsins þegar boðið Daniel Carr að koma og æfa með liðinu sem ætti að gefa þjálfurum Liverpool að meta leikmanninn.