Tónlistarmaðurinn Marilyn Manson er ekki trúlofaður kvikmyndagerðakonunni Seraphim Ward líkt og kom fram í tímaritinu Life & Style.
Ward sendi frá sér tilkynningu um trúlofun sína og Manson til tímaritsins sem birti fréttina án þess að fá hana staðfesta frá Manson sjálfum. Talsmaður rokkarans hafði samband við tímaritið og leiðrétti misskilninginn. „Fréttin er ekki rétt. Manson hefur aldrei hitt umrædda konu," sagði talsmaður Manson.
Söngvarinn er því enn laus og liðugur sem ætti án efa að gleðja einhverja aðdáendur kappans.
