Hunsar athyglina

Rihanna kveðst hafa lært að hunsa athyglina sem fylgir frægðinni og lifir nú lífi sínu án þess að hafa áhyggjur af umtali. Þetta kemur fram í nýju viðtali við söngkonuna í tímaritinu Esquire.

„Ég hef lært að hunsa athyglina sem ég fæ. Þetta er mitt starf. Ég lifi lífi mínu og svo er það skrásett. Það er margt sem fólk veit um mig sem ég kæri mig ekki um að það viti, en svona er þetta bara,“ sagði söngkonan sem hefur verið í sviðsljósinu frá fimmtán ára aldri.

Í viðtalinu segist Rihanna jafnframt vonast eftir því að hún finni ástina á ný. „Eftir fimm ár verð ég vonandi búin að finna mér mann. En hvað við kemur ferlinum þá er það í höndum Drottins. Ég held að ekkert eigi sér endalok, hlutirnir bara þróast.“