Egill Ólafs syngur Yesterday í Hörpu

Æfingar eru í fullum gangi fyrir tónleika til heiðurs Sir Pauls McCartney í Eldborgarsal Hörpu 18.júní. Þá verður Bítillinn sjötugur.

„Þetta verður mjög flott. Æfingarnar ganga glimrandi vel og það er mikill hugur í fólkinu,“ segir Tómas M. Tómasson í Bítladrengjunum blíðu. Hljómsveitin flytur þrjú lög á tónleikunum, eða Eleanor Rigby, Lady Madonna og Fool on the Hill.

Aðrir tónlistarmenn eru einnig búnir að ákveða lögin sem þeir ætla að taka. Egill Ólafsson syngur hið Yesterday ásamt Help, Gunnar Þórðarson tekur Blackbird og Oh! Darling og Labbi í Mánum syngur Let It Be, Twist and Shout og Ob-La-Di,Ob-La-Da. Þá munu Eyþór Ingi Gunnlaugsson og Andrea Gylfadóttir syngja Live and Let Die og Helter Skelter, Baddi í Jeff Who? syngja Back in the USSR og Eyjólfur Kristjánsson mætir einnig á svæðið og syngur I"ll Follow the Sun og With a Little Luck.

Með tónleikunum vilja listamennirnir þakka McCartney fyrir innblásturinn, brautryðjandastarfið sem hann vann með Bítlunum og fyrir alla tónlistina sem hann hefur sent frá sér. -fb