Of þreytt fyrir Tókýó

Lana Del Rey hætti við að halda tónleika í Tókýó í Japan vegna ofþreytu. Bandaríska söngkonan ætlaði að stíga á svið í Tókýó fyrr á árinu en frestaði tónleikunum þar til í maí. Núna þurfti hún aftur að biðja aðdáendur sína í Japan afsökunar.

„Mér þykir mjög leitt að geta ekki heimsótt Japan. Mig langaði virkilega að syngja þar og ég hlakka til að halda tónleika þarna fyrir aðdáendur mína,“ sagði hún í yfirlýsingu sinni.

Á Twitter bætti hún við: „Vildi óska að ég væri í Tókýó en því miður er ég veik. Hugsa til ykkar og ég kem í heimsókn bráðum.“