Kanye tekur fatastíl Kim í gegn

Fjölmiðlar og tískuspekúlantar hafa haft orð á því að fatastíll raunveruleikaþáttastjörnunnar Kim Kardashian hafi breyst til muna eftir að hún tók saman við rapparann Kanye West.

„Kanye hefur rætt við Kim um fatastíl hennar og vill að hún verði líkari honum í klæðavali. Hann vill að hún þróist í tískufyrirmynd og hefur hvatt hana til að vera óhræddari þegar kemur að tísku," sagði heimildarmaður í viðtali við The Sun.

Samkvæmt honum hefur stíll Kardashian þróast úr litríkum kjólum í látlausari og stílhreinni flíkur frá því hún tók saman við tónlistarmanninn.