Til heiðurs ABBA

Tvennir tónleikar til heiðurs ABBA verða haldnir í Eldborgarsal Hörpunnar 25. ágúst í tilefni af 40 ára afmæli sænsku hljómsveitarinnar. ABBA hefur selt fleiri en 370 milljón plötur frá upphafi og seljast plöturnar enn í milljónum eintaka á hverju ári.

Heiðurstónleikarnir verða hinir glæsilegustu og í sönnum anda ABBA. Fram koma Jóhanna Vigdís Arnardóttir, Regína Ósk Óskarsdóttir, Selma Björnsdóttir og Stefanía Svavarsdóttir, ásamt hljómsveit undir stjórn Jóns Ólafssonar. Selma Björnsdóttir verður einnig danshöfundur tónleikanna. Miðasala hefst í Hörpu 1. júní.