Segir Tyru Banks vera með hjarta úr steini

Fyrirsætan Janice Dickinson er ekki hrifin af fyrrum vinnuveitanda sínum, Tyru Banks, og nýtir hvert tækifæri til að úthúða henni opinberlega. Banks rak nýverið dómarana J. Alexander, Jay og Nigel Barker, sem hafa verið viðloðandi America?s Next Top Model allt frá upphafi, og vandaði Dickinson henni ekki kveðjurnar vegna þessa.

„Hún rak alla og mun halda áfram að reka fólk. Hún er með hjarta úr steini og er köld manneskja,“ sagði Dickinson sem sendi Önnu Wintour, ritstjóra bandaríska Vogue, einnig tóninn vegna nýrra starfsreglna sem Vogue tímaritin settu sér nýverið og vöruðu við því að nota mjög grannar fyrirsætur í myndaþætti.

„Horfið á Önnu Wintour. Hún er mjórri en mjótt og ég kaupi ekki að hún ætli sér að standa við reglurnar.“