Fyrsta lagið á íslensku

Hljómsveitin Thin Jim var að senda frá sér nýtt lag sem heitir Fjólubláar sóleyjar. Þetta er fyrsta lagið sem hljómsveitin sendir frá sér með íslenskum texta. Lagið er sungið af Margréti Eiri og Þór Breiðfjörð, sem hefur farið á kostum í söngleiknum Vesalingunum i Þjóðleikhúsinu. Margrét og Þór unnu fyrst saman í Hárinu árið 1994.

Næstu tónleikar Thin Jim verða á Café Rosenberg í kvöld þar sem Þór ætlar að koma og syngja dúettinn með Margréti. Aðalgestur kvöldsins verður Páll Rósinkrans sem ætlar að syngja ný lög með hljómsveitinni.