Hundar bjarga lífum

Hundar eru ekki aðeins besti vinur mannsins heldur eru þeir einnig taldir heilsubætandi. Hundar hafa verið þjálfaðir til þess að aðstoða fólk með flogaveiki, sykursýki og elliglöp svo eitthvað sé nefnt.

Hundar hafa aðstoðað blinda lengi og nú geta einstaklingar með sykursýki einnig nýtt sér þjónustu hunda. Hundar hafa verið þjálfaðir til að vara sykursjúka við lágum blóðsykri með því að reka trýnið í viðkomandi eða sleikja hönd þeirra. Með næmu lyktarskyni sínu geta þeir sagt til um er blóðsykursfall verður. Hundar af Labrador-kyni hafa einnig verið þjálfaðir til að sinna fólki með elliglöp með því að minna á lyfjatöku og matmálstíma.

Hundar geta einnig fundið lykt af þeim efnabreytingum sem eiga sér stað í líkamanum skömmu áður en flogaveikur einstaklingur fær kast og þannig komið þeim til aðstoðar. Hundar hafa greint þessar efnabreytingar allt að fjörtíu mínútum áður en einstaklingur fær kast.