Jackie Chan hættir sem hasarmyndahetja

Jackie Chan hefur staðfest að nýjasta mynd hans Chinese Zodiac verði hans síðasta sem hasarmyndahetja. „Heimurinn er of ofbeldisfullur. Mér finnst gaman að slást en ég hata ofbeldi," sagði hinn 58 ára Chan á Cannes-hátíðinni.

Myndin kemur út í desember og er sú þriðja í Armour of God-seríunni. Sú fyrsta kom út 1987 þar sem Chan lék Aisan Hawk, náunga sem svipar til Indiana Jones.

„Ég vil að áhorfendur viti að ég get ekki bara slegist, ég get líka leikið," sagði Chan, sem lék herra Miyagi í endurgerð The Karate Kid í fyrra. „Ég vil ekki bara vera hasarmyndastjarna. Ég vil vera alvöru leikari og þess vegna hef ég undanfarin tíu ár leikið í myndum eins og The Karade Kid þar sem ég lék gamlan mann.

Chan hóf feril sinn sem áhættuleikari og starfaði við hlið Bruce Lee í myndunum Fist of Fury og Enter the Dragon á áttunda áratugnum. Síðan þá hefur hann leikið í um eitt hundrað myndum og alltaf hefur hann leikið sjálfur í áhættuatriðunum.