Vill að Obama syngi

Jay-Z vill að Barack Obama Bandaríkjaforseti syngi lag eftir Al Green á tónlistarhátíðinni Made In America sem rapparinn heldur í Fíladelfíu í september. Obama söng einmitt Al Green-lagið Stay Together í New York í janúar.

Jay-Z, sem er mikill stuðningsmaður Obama, lýsti því nýlega yfir að hann væri fylgjandi hjónaböndum samkynhneigðra, rétt eins og forsetinn gerði fyrir skömmu. „Það sem fólk gerir í svefnherbergjum sínum er einkamál og þú velur hvern þú elskar,“ sagði rapparinn, sem ætlar að hringja í forsetann á næstunni og biðja hann um að syngja á hátíðinni. „Hann verður svo upptekinn við að bjarga heiminum að hann hefur líklega ekki tíma en ég ætla að spyrja hann,“ sagði hinn 42 ára Jay-Z. Hann þarf ekki að örvænta þótt Obama stígi ekki á svið því eiginkonan Beyoncé Knowles verður meðal söngvara.