Selur fatnað í Dubai Mall

Leikkonan Mischa Barton hefur snúið sér að öðru en leiklist og hefur sent frá sér sína fyrstu fatalínu. Flíkurnar munu fást í versluninni Rivaage Boutique í Dubai Mall, stærstu verslunarmiðstöð heims.

Línan, sem Barton hannar í samstarfi við móður sína, kallast einfaldlega Mischa og inniheldur meðal annars pils, jakka og samfestinga. Þetta er ekki í fyrsta sinn sem Barton reynir fyrir sér í hönnun því hún hannaði töskur og hárbönd árið 2008 sem seldust afskaplega illa.

Samkvæmt leikkonunni er línan ætluð konum á aldrinum 15 til 35 ára.