Kýs London frekar en LA

Írski leikarinn Michael Fassbender hefur búið í London undanfarin ár og vill síður flytjast búferlum til Los Angeles þrátt fyrir velgengni sína.

Fassbender er fæddur í Þýskalandi og uppalinn á Írlandi en hefur búið sér heimili í London síðustu ár og vill ekki flytja þaðan burt.

„Sumir segja að ég hafi ekki fengið rétta mynd af LA, en ég er hrifnari af lífinu í London. LA gerir fólk mjúkt, það gerir ekkert annað en að dreifa nafnspjöldum sínum. Í London er húmor sem ég samsama mig við, ég kann vel við almenningsgarðana og hugarfar fólksins og ég hef gaman af því að ganga," sagði leikarinn í viðtali við breska Elle.