Samningur undirritaður

Talið er að Britney Spears hafi samþykkt að vera dómari í hæfileikaþáttunum X-Factor næsta vetur og að hún fái í sinn hlut hátt í tvo milljarða króna.

Samningaviðræður hafa staðið yfir undanfarna mánuði en nú virðast þær loksins hafa borið árangur. „Það er búið að skrifa undir samninginn. Það hafa verið miklar vangaveltur fram og til baka síðustu vikur vegna ýmissa smáatriða en hún er til í slaginn,“ sagði heimildarmaður E!. Paula Abdul og Nicole Sherzinger eru báðar hættar í X-Factor rétt eins og kynnirinn Steve Jones.

Ástæðan er sú að síðasta þáttaröð fékk minna áhorf en búist var við.