Kína kemur til greina

James Cameron hefur gefið í skyn að framhald ævintýramyndarinnar Avatar verði tekið upp í Kína. Leikstjórinn hefur unnið við handrit myndarinnar síðan Avatar sló í gegn 2009.

„Ef þetta gengur upp yrði það mjög hagkvæmt fyrir kínverskan kvikmyndaiðnað. Ef við tökum þar upp mynd eins og Avatar, sem er alfarið tekin upp í kvikmyndaveri, þá myndum við ekki vera í landinu vegna landslagsins,“ segir Cameron. „Við myndum mæta þangað með sýndarframleiðslu og nota þrívíddartækni sem væri góð tilbreyting fyrir kvikmyndaiðnaðinn þarna.“