Reynir að kaupa sér vinsældir hjá tengdó

Foreldrar Jessicu Biel eru ekki hrifnir af tilvonandi tengdasyni sínum, söngvaranum Justin Timberlake, og eru óhrædd við að láta hann finna fyrir því.

Samkvæmt The Enquirer hefur Timberlake lagt ýmislegt á sig til að koma sér í mjúkinn hjá verðandi tengdaforeldrum sínum, en án árangurs. „Hann mætir í öll fjölskylduboð og reddaði bróður Jessicu vinnu, en allt kom fyrir ekki, foreldrar Jessicu munu ekki fyrirgefa honum í bráð. Þeim finnst Justin hafa komið mjög illa fram við dóttur sína og eru ekki tilbúin til að gleyma því," var haft eftir innanbúðarmanni.

Timberlake var sakaður um að hafa haldið framhjá Biel með Milu Kunis og Oliviu Munn. Parið hætti í kjölfarið saman í nokkra mánuði en tók aftur saman stuttu fyrir jól.