Átti erfitt með að fóta sig í bransanum

Fyrirsætan Heidi Klum átti í miklum erfiðleikum með að fá vinnu í upphafi ferils síns. Þetta segir Klum í nýju viðtali við Allure Magazine.

„Ég tók ekki þátt í tískusýningum í París, Berlín eða New York. Ég reyndi mitt ýtrasta en enginn vildi ráða mig því ég þótti of brjóstgóð og aðeins of stutt. Í hátískunni sér maður ekki stúlkur með stór brjóst og það eina sem ég vildi verða var fyrirsæta,“ sagði Klum sem ákvað í kjölfarið að leita annarra leiða til að láta draum sinn rætast og fann sinn stað hjá Victoria‘s Secret.

Í viðtalinu segist Klum einnig eiga erfitt með að takast á við skilnað sinn við tónlistarmanninn Seal en að hún sjái ekki eftir neinu.