Frestar brúðkaupinu út af nýrri klippingu

Leikkonan Anne Hathaway hefur ákveðið að fresta fyrirhuguðu brúðkaupi sínu fram á næsta ár vegna þess að hún skartar stuttu hári þessa stundina. Hathaway þurfti að klippa hár sitt stutt í tengslum við hlutverk sitt sem vændiskona í kvikmyndaútgáfu á Vesalingunum eða Les Misérables.

Hún og unnusti hennar, Adam Schulman, ætluðu að ganga í það heilaga í sumar en Hathaway getur ekki hugsað sér að ganga niður kirkjugólfið með stutt hár. Hún ætlar því að safna hári á nýjan leik og klæðast brúðarkjólnum í lok þessa árs eða byrjun næsta.