Átta af tíu í útliti

Nicole Scherzinger gefur útliti sínu átta af tíu í einkunn. Hin 33 ára söngkona, sem var áður í Pussycat Dolls, er ánægðust með kinnbeinin sín en er ekki sátt við lærin.

„Ég er óánægð með lærin á mér og búttuð hnén. Ég klæðist fötum sem sýna leggina á mér á ljósmyndum og í myndböndum en ekki oft þegar ég er að syngja á tónleikum,“ sagði Scherzinger í viðtali við The Daily Mirror. Hún hefur gaman af því að stunda líkamsrækt við eigin tónlist og segir að æfingar veiti henni aukið sjálfstraust. „Ég fæ aukinn kraft með því að halda mér í formi. Það heldur musterinu mínu sterku.“