Mátar hönnun sína

Fatahönnuðurinn Victoria Beckham segist sjálf máta frumgerð hönnunar sinnar svo hún sjái betur hvernig flíkurnar passi. „Það er fyndið að við mátum flíkurnar á himinháar, sautján ára gamlar fyrirsætur og svo kem ég og segi: „Jæja, nú ætla ég að máta. Ég stend fyrir hina venjulegu konu.“ Þannig finnst mér best að vinna og þetta er hluti af hönnunarferlinu. Ég stend á nærfötunum einum fata og máta föt og efni,“ sagði Beckham í viðtali við Harper’s Bazaar UK. Ummælin hafa vakið nokkra athygli því mörgum þykir Beckham töluvert grennri í vexti en meðalkvenmaðurinn.