Manúela mætir í Kolaportið

Tískuáhugamanneskjan, bloggarinn og annar eigandi fatamerkisins Malla Johansen, Manúela Ósk Harðardóttir stefnir að því að eyða næstkomandi sunnudegi í Kolaportinu. Þar ætlar hún að selja skó, töskur, fatnað og barnaföt.

Manúela sem flutti á dögunum segir ýmistlegt hafa komið í ljós við flutningana og að hún lumi á ýmsu fallegu sem hún er hætt að nota. Þeir sem þekkja til Manúelu vita að hún er smekkmanneskja mikil og því líklega hægt að eiga von á góðu á básnum 12A, þann 3. júní í Kolaportinu.