Justin og Jessica fögnuðu trúlofuninni

Jessica Biel og Justin Timberlake fögnuðu trúlofun sinni ásamt 100 vinum og vandamönnum um helgina. Það var stílisti Biel sem skipulagði veisluna en meðal gesta voru meðal annars Ellen DeGeneres, leikkonan Amy Adams og foreldrar verðandi brúðhjónanna.

Timberlake bað Biel er þau voru í skíðafríi í kringum jólin í fyrra. Samkvæmt gestum litu þau út fyrir að vera mjög hamingjusöm í veislunni og dönsuðu allt kvöldið. Parið hefur ekki staðfest dagsetningu brúðkaupsins en fjölmiðlar vestanhafs eru vissir um að það fari fram í sumar.