Keypti sér mótorhjól

Justin Bieber reiddi á dögunum fram um tvær og hálfa milljón fyrir nýtt mótorhjól. Hjólið var framleitt í takmörkuðu upplagi og er af gerðinni Ducati. Það var vinur hans, söngvarinn Usher, sem mælti með hjólinu við hann en Usher á sjálfur sams konar hjól. Hinn átján ára Bieber stendur þó frammi fyrir einu vandamáli því hann er ekki með mótorhjólapróf en mun vafalítið bæta úr því fljótlega. Popparinn á einnig margar glæsibifreiðir og ætti því að geta komist leiðar sinnar á næstu árum án nokkurra vandkvæða.