Skarsgård ekki á föstu

Alexander Skarsgåard var nýverið orðaður við leikkonuna Charlize Theron en sjálfur segist hann vera laus og liðugur.

Í nýlegu sjónvarpsviðtali vill Skarsgård ekki kannast við það að hafa nokkru sinni verið á föstu með Theron og slær spurningunni upp í grín. „Erum við par? Það hafði ég ekki heyrt. Ég vona að við séum mjög hamingjusöm saman,“ sagði leikarinn sem fer með hlutverk í stórmyndinni Battleship auk Liam Neeson, Taylor Kitsch og Rihönnu. Áður var Svíinn og leikkonan Kate Bosworth saman á föstu.