Frábær stemmning á Kexi

Ný EGF-húðnæring fyrir líkamann var kynnt með glæsibrag á Kexi Hosteli á dögunum.

Húðnæringin eykur kollagen í húðinni og er þriðja varan í EGF-húðvörulínu Sif Cosmetics og er þróuð af nýsköpunarfyrirtækinu Cosmetics.

Það var fjölmennt á kynningunni sem sjónvarpskonan Ragnhildur Steinunn Jónsdóttir stýrði með stæl.

Ragnhildur tók viðtal við leikkonuna Þórunni Lárusdóttir sem hefur undanfarinn mánuð tekið þátt í merkilegri tilraun hjá Sif Cosmetics en hún hefur ásamt fimm öðrum konum borið EGF-húðdropana á hægri hlið andlitsins eingöngu.

Hún lýsti upplifun sinni fyrir gestum og sagðist sjá greinilegan mun á hægri og vinstri hlið andlitsins.



Að kynningunni lokinni voru gestir svo leystir út með nýju vörunni.