Málfríður tekur fram skóna að nýju

Miðvörðurinn Málfríður Erna Sigurðardóttir hefur skrifað undir tveggja ára samning við Val. Málfríður, sem er 28 ára, var í fæðingarorlofi á síðustu leiktíð.

Málfríður hefur verið lykilmaður í liði Valskvenna undanfarin ár og því mikill styrkur fyrir Hlíðarendakonur. Hún hefur spilað 22 A-landsleiki en hún er uppalin leikmaður Vals og spilað með liðinu allan sinn feril.

Tíðindin eru ekki síst góð í ljósi þess að Mist Edvardsdóttir, sem spilaði við hlið Málfríðar í Valsvörninni sumarið 2011, er á leið til Avaldsnes í Noregi.