Man. Utd harmar ljóta söngva á Old Trafford

Fáeinir stuðningsmenn Man. Utd urðu sér til skammar á leik Man. Utd og Wigan í gær með móðgandi söngvum sem beint var að stuðningsmönnum Liverpool. Söngvar sem tengjast Hillsborough-harmleiknum.

Man. Utd hefur sent frá sér yfirlýsingu þar sem félagið fordæmir þessa framkomu og harmar að atvikið átti sér stað.

Liverpool tekur á móti Man. Utd um næstu helgi og þessi hegðun minnihluta stuðningsmanna Man. Utd á líklega ekki eftir að vekja miklu lukku í Bítlaborginni.

Sir Alex Ferguson, stjóri Man. Utd, hefur áður beint þeim tilmælum til stuðningsmanna Man. Utd að haga sér ekki svona en þau skilaboð hafa ekki náð til einhverra einstaklinga.