Búið að gefa út leiktíma Rögnu

Á heimasíðu Alþjóðabadmintonsambandins má sjá leiktíma Rögnu Ingólfsdóttir sem keppir í einliðaleik kvenna á sínum öðrum Ólympíuleikum í röð.

Ragna á fyrri leik sinn í F-riðli gegn Akveli Stapusaityte frá Litháen á mánudagskvöldið. Ragna er fyrir ofan Stapusaityte á heimslistanum og hefur til þessa borið sigur úr býtum í öllum fjórum viðureignum þeirra.

Hún mætir svo Jie Yao frá Hollandi á þriðjudagskvöldið en Yao er mun ofar á heimslistanum eða í 20. sæti. Einn keppandi kemst áfram úr hverjum riðli í 16-manna úrslitin.

Ólympíuleikarnir verða settir á föstudaginn en Ragna er einn 27 íslenskra keppenda á leikunum.

Leikir Rögnu:

Mánudagur kl. 18.09: Akvile Stapausaityte, Litháen

Þriðjudagur kl. 19.54: Jie Yao, Hollandi