Danir sigursælir á BAFTA

Danir voru sigursælir í evrópskum kvikmyndaheimi í gær þegar danska þáttaröðin Höllin, eða Borgen, var valin besti alþjóðlegi sjónvarpsþátturinn á bresku sjónvarpsverðlaunahátíðinni BAFTA í gærkvöldi.

Aðrir sem kepptu um titilinn voru danska þáttaröðin Forbrydelsen, bandarísku gamanþættirnir Modern Family og áströlsku þættirnir The Slap. Þá var danski leikarinn Mads Mikkelsen valinn besti karlleikari á kvikmyndahátíðinni í Cannes fyrir leik sinn í myndinni Jagten sem leikstjórinn Thomas Vinterberg leikstýrir. Mads leikur þar leikskólakennara sem er ásakaður um kynferðislega áreitni í garð barna.

Breski kvikmyndaleikstjórinn Ken Loach vann dómnefndarverðlaunin í Cannes fyrir gamanmynd sína The Angel's Share. En það var ástralski leikstjórinn Michael Haneke sem hlaut gullpálmann í ár fyrir mynd sína Ást. Þetta er í annað sinn sem Haneke hreppir hnossið á Cannes, en hann hlaut áður gullpálmann árið 2009 fyrir þýsku kvikmyndina Das weisse band.