Tvær frá Pittsburgh Panthers til KR

Bandarísku leikmennirnir Liz Carroll og Katelyn Ruhe komu til landsins í gær en þær ætla að spila með KR í Pepsi-deild kvenna í sumar. Þær Liz og Katelyn léku þó ekki gegn Selfossi í gær enda ekki komnar með leikheimild. Þetta kemur fram á heimasíðu KR.

KR-konur gerðu 3-3 jafntefli við nýliða Selfoss í fyrstu umferðinni í gær en þær komust í 3-2 eftir að hafa lent 2-0 undir í fyrri hálfleik.

Katelyn Ruhe er miðjumaður en Liz Carroll getur bæði spilað á miðjunni og í sókninni. Þær léku báðar með Pittsburgh Panthers í bandaríska háskólaboltanum en Liz er 23 ára og einu ári eldri.

Liz Carroll var með 2 mörk og 7 stoðsendingar í 19 leikjum á lokaári sínu (2010) en Katelyn Ruhe skoraði 1 mark og gaf 4 stoðsendingar í 19 leikjum á lokaári sínu (2011).