Contraband toppar iTunes

Nýjasta kvikmynd Baltasars Kormáks, smellurinn Contraband, heldur áfram að gera góða hluti vestanhafs.

Myndin hefur vermt toppsæti lista iTunes yfir leigumyndir upp á síðkastið og samkeppnin samanstendur ekki af aukvisum: Nýjasta Mission Impossible-myndin, The Girl With the Dragon Tattoo og Haywire eftir Steven Soderbergh eru í baráttunni um toppsætið.

Fréttablaðið greindi nýlega frá því að Contraband væri á meðal mest stolnu mynda heims, en ljóst er að fjölmargir eru tilbúnir að greiða fyrir áhorfið - eins og miðasölutölur sýndu reyndar líka.