Skreytir Gretu Salóme

Gullsmiðurinn Sigurður Ingi, hönnuðurinn á bak við Sign skartgripalínuna, sér um alla skartgripina sem Greta Salóme notar á meðan hún er stödd í Bakú fyrir Íslands hönd. 

„Ég setti mig í samband við hana eins og ég hef gert unanfarin ár við aðra keppendur. Ég hef lagt metnað minn í að hjálp listamönnum í þeim verkefnum sem þeir taka sér fyrir hendur,„ svarar Sigurður spurður um samstarf hans og Gretu.

Hvaða skart mun Greta bera annað kvöld þegar hún stígur á svið í Kristalshöllinni í Bakú? „Hún verður með sérsmíðaðan hring sem ég hannaði sérstaklega fyrir hana og þetta kvöld. Hún verður einnig með annað skart frá mér bæði sem hún verður með lokakvöldið og það sem hún mun notar þann tím sem hún er úti."

„Við Íslendingar megum vera stolt af okkar framlagi í Eurovision. Lagið er fallegt og þrungið dulúð, svolítið eins og Ísland er. Greta Salóme er frábær lagasmiður og sannar þetta lag það. Hún á eftir að ná langt í framtíðinni og að sjálfsögðu á laugardaginn," segir Sigurður þegar lag Gretu, Never forget, berst í tal. 

Hér má skoða síðuna Sign.is.