Innlent

Eigandi leyfði húsleit - Við stálum ekki tíkinni!

Erla Hlynsdóttir skrifar
Eigandinn segist ekki hafa séð tíkina síðan hún var vistuð á hundahótelinu
Eigandinn segist ekki hafa séð tíkina síðan hún var vistuð á hundahótelinu
„Við erum ekki með tíkina. Við stálum ekki tíkinni," segir eigandi Rottweilertíkarinnar Chrystel. Eigandinn fór í skýrslutöku í morgun hjá lögreglunni á Akureyri og sagði þar að tíkin væri ekki á heimilinu. Lögreglan hafði hann grunaðan um að hafa stolið tíkinni af hundahóteli rétt utan við Selfoss, en þar var tíkin vistuð eftir að lögreglan í umdæminu tók hana í vörslu sína þar sem hún hafði bitið konu.

Húsleit í morgun

Eigandinn segist í morgun hafa veitt lögreglu leyfi til að gera hjá sér húsleit og að sú leit sé afstaðin, án þess að tíkin hafi komið í leitirnar. „Þeir eru búnir að koma hér og skoða heimilið," segir hann.

Fréttastofa greindi frá því í gær að dómari við héraðsdóm Suðurlands hafnaði á dögunum beiðni lögreglu um húsleitarheimild, en fyrir dómi sagði lögmaður eigandans að tíkin væri á heimili hans á Akureyri, en þangað flutti eigandinn nýverið frá Hveragerði.

Segir um misskilning að ræða

Spurður hvernig standi á þessum málflutningi lögmannsins segir eigandinn: „Þetta er byggt á misskilningi." Þegar hann er inntur eftir því hvort það hafi þá verið misskilningur á milli hans og lögmannsins segir hann: „Sennilegast" og bætir við að tíkin hafi aldrei komið inn á heimilið eftir flutninginn til Akureyrar.

Eigandinn neitar því aðspurður að vita nokkuð um tíkina. Hann segist heldur ekki hafa neinn ákveðinn aðila grunaðan um að hafa stolið Chrystel af hundahótelinu. „Það hafa auðvitað safnast yfir tvö þúsund undirskriftir. Kannski hefur einhver þeirra tekið hana," segir eigandinn og vísar þar í undirskriftarsöfnun sem fram fór á Facebook þar sem hvatt var til þess að tíkin fengi að lifa.

Hefur áhyggjur af tíkinni

„Ég trúi því bara að þetta fari vel og að hún komi í leitirnar," segir eigandinn.

Hann játar því að hafa áhyggjur af tíkinni. „Að sjálfsögðu."

Til stóð að tíkinni yrði lógað en eigandinn réði sér þá lögmann sem barðist fyrir því að hún fengi að lifa, og voru meðal annars lagðir fram vitnisburðir nokkurra aðila sem þekktu til tíkarinnar sem sögðu hana ekki hættulega.

Lögreglan er hins vegar á öðru máli.

Samkvæmt upplýsingum frá lögreglu er málið enn í rannsókn og skýrist von bráðar hver næstu skref verða.


Tengdar fréttir

Dýralæknir vill láta lóga Rottweiler tíkinni

Héraðsdýralæknir Suðurlandsumdæmis vill láta lóga Rottweiler-tík sem réðst á konu í Hveragerði í byrjun mánaðarins. Eigandi tíkarinnar er afar ósátt við þessa niðurstöðu þar sem hundurinn er "ekki hættulegur í daglegri umgengni" samkvæmt skapgerðarmati.

Bitin af Rottweiler: Ég vil að tíkin fái að lifa!

Konan sem var bitin af Rottweiler tík í Hveragerði fyrr í þessum mánuði vill alls ekki að tíkinni verði lógað. "Ég vil að tíkin fái að lifa," segir hún. Fram hefur komið að héraðsdýralæknir Suðurlandsumdæmis vill að tíkinni verði lógað og er það almennt mat hans að hunda sem bíta fólk eigi að aflífa.

Það á aldrei að skilja hunda eina eftir í bandi

Jóna Th. Viðarsdóttir, formaður Hundaræktarfélags Íslands, segir að aldrei eigi að skilja hund eftir einan í bandi, sama af hvaða tegund hundurinn er. Hún segir að sem betur fer komi ekki oft upp mál þar sem hundar bíti ókunnuga.

Eigandi Rottweiler tíkarinnar: Ég gerði mistök að skilja hana eina eftir í bandi

"Ég gerði mistök að binda hana í band við húsið, ég vissi ekki að ég mætti ekki gera það," segir eigandi Rottweiler tíkur sem réðst á konu í Hveragerði á föstudaginn í síðustu viku. Eigandinn segir að tíkin hafi farið í skapgerðarmat í gær hjá dýralækni og komið rosalega vel út úr því.

Eigandi Rottweilertíkar boðaður til yfirheyrslu

Eigandi Rottweilertíkarinnar Chrystel hefur verið kallaður til yfirheyrslu hjá lögreglunnar á Akureyri á morgun vegna hvarfs tíkarinnar úr vörslu lögreglunnar á Selfossi. Mæti eigandinn ekki til yfirheyrslu getur lögregla gripið til þess að óska eftir því hjá dómara að eigandinn verði færður til yfirheyrslu, og þar með handtekinn. Ekki er þó búist við að til þess þurfi að koma. "Við erum að rannsaka hver nam hana á brott," segir Þorgrímur Óli Sigurðsson, aðstoðaryfirlögregluþjónn á Selfossi um hvarf tíkarinnar. Hún hafði verið vistuð á hundahóteli síðustu vikur, að kröfu lögreglu, á meðan á Lögreglan á Selfossi óskaði eftir húsleitarheimild hjá eiganda, sem var búsettur í umdæmi lögreglunnar á Selfossi en er nú fluttur til Akureyrar. Dómari vildi ekki veita slíka heimild þar sem ekki hefðu komið fram sannanir um að eigandinn hefði rænt hundinum af hundahótelinu. Þorgrímur Óli staðfestir hins vegar að farið hafi verið fram á húsleitarheimildina vegna þess að eigandinn sé grunaður um einmitt það. Hann vill þó ekki gefa upp hvaða vísbendingar lögreglan hefur í þá veru. Þá segir Þorgrímur að fyrir dómi í gær hafi lögmaður eigandans staðfest að tíkin væri nú á heimili eigandans á Akureyri. Vegna þess hefur lögreglan á Akureyri nú boðað hann til yfirheyrslu á morgun. Lögreglan á Selfossi íhugar nú næstu skref í rannsókninni. Til greina kemur að úrskurði héraðsdóms frá í gær, þar sem beiðni um húsleitarheimild var synjað, verði áfrýjað til Hæstaréttar. Þá er einnig möguleiki að lögreglan fari fram á það við dómara að eigandanum verði hreinlega gert að afhenda hundinn, nú þegar ljóst er að hundurinn er í hans vörslu. "Við höfum áhyggjur af því að búið er að meta hundinn hættulegan, af fagfólki. Manni verður bara hugsað til þess ef börn eða fullorðnir verða á vegi hundsins. Hver ætlar að bera ábyrgð á því ef illa fer?" spyr Þorgrímur .

Rottweiler hundur réðst á konu

Rottweiler hundur sem var bundinn við íbúðarhús í Hveragerði réðst á konu á föstudaginn og beit hana í úlnliðinn. Konan var að koma að húsi þar sem hún hugðist heimsækja fólk.

Rottweiler hundur enn í haldi lögreglu

Rottweiler hundurinn sem réðst á konu í Hveragerði á föstudaginn í síðustu viku er enn í vörslu lögreglunnar á Selfossi. Ekki hefur verið tekið ákvörðun um hvort hundinum verði lógað en lögreglustjórinn í bænum tekur þá ákvörðun. Samkvæmt upplýsingum frá lögreglu er rannsókn en í fullum gangi.

Kærir aflífun Chrystel til innanríkisráðuneytisins

Eigandi Rottweiler-tíkarinnar Chrystel hefur kært þá ákvörðun sýslumannsins á Selfossi að aflífa skuli tíkina. Stjórnsýslukæran var lögð fram til innanríkisráðuneytisins í síðustu viku. Krefst eigandinn þess að ákvörðun sýslumannsins verði felld úr gildi.

Rottweiler tíkin útötuð í saur: Lögmaður ósáttur

Eigandi Rottweiler-tíkar, sem tekin var af heimili sínu í Hveragerði eftir að hún beit konu í byrjun mánaðarins, er afar ósátt við þann aðbúnað sem tíkin var vistuð við hjá dýraeftirliti Selfoss. Hún hefur ráðið sér lögmann til að leita réttar síns og tíkarinnar.

Mest lesið


Fleiri fréttir

Sjá meira


×

Mest lesið