Björguðu dádýri í sjálfheldu

Þrír menn komu dádýri til bjargar eftir að það lenti í sjálfheldu á ísilögðu stöðuvatni í Kanada. Þeim tókst að útbúa beisli og draga svo dýrið meðfram ísnum og koma því á land.

Það reyndist þó erfitt að bjarga dádýrinu. Það vildi lítið með hjálpina að gera og barðist um þegar mennirnir reyndu að koma því í beislið.

Þeim tókst loks að festa dýrið í beislið. Þeir skautuðu síðan rólega meðfram ísnum og drógu dádýrið að landi.

Tökumaðurinn þurfti reyndar að hjálpa dádýrinu síðustu metrana enda var það uppgefið eftir langa baráttu við ísinn.