Stjörnukonur komnar með sjö stiga forskot á toppnum

Stjörnukonur stigu stórt skref í átt að fyrsta Íslandsmeistaratitli félagins með því að vinna 3-2 sigur á KR í Vesturbænum í kvöld. Stjarnan er nú komið með sjö stiga forskot á toppnum þar sem að Valskonur töpuðu stigum yfir norðan. Það urðu óvænt úrslit í Kópavoginum þegar nýliðar Grindavíkur unnu sinn annan leik í röð og komust þar með af botninum.

Soffía Arnþrúður Gunnarsdóttir og Gunnhildur Yrsa Jónsdóttir komu Stjörnunni í 2-0 í fyrri hálfleik en KR-liðið náði tvisvar að minnka muninn í eitt mark í seinni hálfleiknum. Á endanum var það síðan sjálfsmark KR-kvenna sem skildi á milli liðanna og kom Stjörnunni í frábæra stöðu á toppi Pepsi-deildar kvenna.

Grindavík var ekki búið að vinna leik í sumar fyrir sex dögum en fylgdi efrir sigri á Aftureldingu með því að vinna 3-2 sigur á Breiðabliki í Kópavogi í kvöld. Blikar komust tvisvar yfir í leiknum en Shaneka Gordon jafnaði metin í tvígang og Dernelle Mascall skoraði síðan sigurmarkið sex mínútum fyrir leikslok.

Upplýsingar um markaskorara eru fengnar af vefsíðunni fótbolti.net.

Úrslit og markaskorarar í Pepsi-deild kvenna í kvöld:

KR-Stjarnan 2-3

0-1 Soffía Arnþrúður Gunnarsdóttir (15.), 0-2 Gunnhildur Yrsa Jónsdóttir (35.), 1-2 Rosie Malone-Povolny (62.), 1-3 Sjálfsmark (80.), 2-3 Freyja Viðarsdóttir (85.)

Breiðablik-Grindavík 2-3

1-0 Ásta Eir Árnadóttir (7.), 1-1 Shaneka Gordon (23.), 2-1 Jóna Kristín Hauksdóttir (30.), 2-2 Shaneka Gordon (65.), 2-3 Dernelle L Mascall (84.)

Þór/KA-Valur 1-1

0-1 Laufey Ólafsdóttir (58.), 1-1 Mateja Zver, víti (90.+4)

Þróttur-ÍBV 0-5

0-1 Vesna Smiljkovic (10.), 0-2 Kristín Erna Sigurlásdóttir (19.), 0-3 Berglind Björg Þorvaldsdóttir (69.), 0-4 Berglind Björg Þorvaldsdóttir (81.), 0-5 Kristín Erna Sigurlásdóttir (84.).