Íslenski boltinn

Elfar Freyr: Heiður að spila fyrir AEK

Kolbeinn Tumi Daðason skrifar
Elfar Freyr var lykilmaður í Íslandsmeistaraliði Blika á síðasta tímabili
Elfar Freyr var lykilmaður í Íslandsmeistaraliði Blika á síðasta tímabili Mynd/Valli
Elfar Freyr Helgason skrifaði í dag undir þriggja ára samning við gríska félagið AEK Aþenu. Fjallað er um komu Íslendingsins á heimasíðu félagsins þar sem Elfar Feyr og Arnar Grétarsson yfirmaður knattspyrnumála hjá félaginu sjást takast í hendur.

„Ég er himinlifandi með vistaskiptin og mér er mikill heiður sýndur að AEK hafi valið mig. AEK er stórt evrópskt félag með nýlega æfingaaðstöðu og nokkra frábæra leikmenn. Félagið hefur unnið hart að því að fá mig til liðs við félagið og ég fullvissa það og stuðningsmenn AEK að ég mun leggja mig allan fram í treyju félagsins,“ segir Elfar Freyr á heimasíðu AEK.

Upphaflega átti Elfar Freyr að halda til Noregs og spila með Breiðablik gegn Rosenborg í forkeppni Meistaradeildar í kvöld. Ljóst er að ekkert verður af því. Í samtali við íþróttadeild 365 miðla sagði Arnar að ekki hefði verið neitt í samningi félaganna þess efnis að Elfar Freyr fengi að spila leikinn í Þrándheimi.

AEK leikur gegn Floriana frá Möltu í forkeppni Evrópudeildar annað kvöld.

Fótbolti Pepsi Max-deild karla

Tengdar fréttir

Ólafur Kristjáns: Elfar var settur í mjög erfiða stöðu

Íslandsmeistarar Breiðabliks mæta norska liðinu Rosenborg í meistaradeildinni í kvöld. Leikið er á Lerkendal-vellinum í Þrándheimi. Það hefur varpað nokkrum skugga á undirbúning leiksins að varnarmaðurinn sterki, Elfar Freyr Helgason, verður ekki með í leiknum eins og samið var um.

Arnar Grétarsson segir AEK ekki hafa svikið samning við Blika

Arnar Grétarsson, yfirmaður knattspyrnumála hjá AEK Aþenu, segir það ekki rétt að gríska liðið hafi svikið samkomulag þess efnis að Elfar Freyr Helgason myndi fá að spila leikina gegn Rosenborg í Meistaradeild Evrópu í kvöld. Þetta kom fram í hádegisfréttunum á Bylgjunni.

Mest lesið


Fleiri fréttir

Sjá meira


×

Mest lesið