Innlent

Hjólreiðavangur opnar í Skálafelli

Frá gerð hjólreiðavangsins á síðasta ári
Frá gerð hjólreiðavangsins á síðasta ári

Skálafell Bike Park verður opnað um helgina en um er að ræða hjólreiðavang að erlendri fyrirmynd, þar sem hægt er að taka hjólið með sér í lyftu upp fjallið og hjóla svo niðu
Það er Íþrótta- og tómstundaráð Reykjavíkur sem stendur að rekstrinum.

Bike Park var opnað seinni part sumars í fyrra og var þá í boði ein braut, alls 2,3 kílómetra löng, með um 220 m fallhæð.  Nú hefur verið bætt við annarri braut með sömu fallhæð en 3 kílómetrar að lengd.  Sú braut hentar öllum, byrjendum sem og lengra komnum.

Á neðri hluta svæðisins er einnig boðið upp á Dirt-Jump og BMX stökkpalla. Þá er kominn nýr mótor í lyftuna svo hún er bæði snarpari og öruggari.

Til viðbótar stendur til að kortleggja og lagfæra ýmsa slóða sem liggja í átt frá svæðinu, en frá Skálafelli má hæglega hjóla niður í Kollafjörð eftir Esjurótum, yfir í Heiðmörk eftir gamla Kóngsvegi, í Kjós yfir Svínaskarð, á Þingvelli og alla leið yfir á Nesjavelli svo eitthvað sé nefnt.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.