Það ræðst klukkan sex í dag hvort að loka þurfi Keflavíkurflugvelli aftur í kvöld. Flugvellinum var lokað í gærmorgun en opnaði svo aftur í gærkvöldi.
Hjördís Guðmundsdóttir, upplýsingafulltrúi Isavia, segir að sá möguleiki sé enn í kortunum að flugvellinum verði lokað en það sé ekki vitað og ekki hægt að staðfesta það fyrr en ný öskuspá kemur klukkan sex. Það er þó ekki ný aska sem gæti valdið lokuninni heldur gömul. En eldgosið í Grímsvötnum er í rénun, segja vísindamenn.
Farþegar eru hvattir til að fylgjast með á textavarpinu og á vefsíðum flugfélaga.
Flugfélagið Ryanair hefur aflýst öllum flugferðum frá Skotlandi í dag vegna öskunnar úr Grímsvötnum.
Keflavíkurflugvöllur gæti lokast aftur í kvöld
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
