Stærsti skjálftinn í dag: 4,2 á stærð

Boði Logason skrifar 27. febrúar 2011 17:26

Jarðskjálfti varð við Kleifarvatn nú fyrir stundu. Samkvæmt upplýsingum frá Veðurstofu Íslands er þetta stærsti skjálftinn í dag en hann mældist 4,2 á stærð. Annar skjálfti reið yfir nokkrum sekúndum áður en hann mældist 3 á stærð.

Skjálftinn fannst á höfuðborgarsvæðinu og víðar.

Í morgun mældust nokkrir skjálftar yfir 3 á stærð og var sá stærsti 4,0 á stærð. Vaktmaður hjá skjálftadeild Veðurstofu Íslands segir að skjálftinn nú seinni partinn hafi verið á svipuðum slóðum og þeir í morgun. „Þeir verða ekki mikið harðari en þetta á þessu svæði, þetta er þekkt stærð á þeim," segir hann.

Tengdar fréttir

Jarðskjálfti í Reykjavík

Íbúar Reykjavíkur fundu greinilega fyrir jarðskjálfta sem varð fyrir stundu, eða klukkan rúmlega níu. Samkvæmt upplýsingum frá Veðurstofu er verið að vinna úr gögnum og munu nánari upplýsingar fást innan skammst.

27. febrúar 2011 09:13

Jarðskjálftinn var 4 stig að stærð - 200 skjálftar frá miðnætti

Jarðskjálftinn sem íbúar höfuðborgarsvæðisins fundu klukkan rúmlega níu í morgun var 4 stig að stærð og mældist um það bil 4 kílómetrum Norðaustur af Krýsuvík.

27. febrúar 2011 10:08

Egill Helgason fann fyrir jarðskjálftanum

"Ég bý í gömlu timburhúsi og það brakar í því þegar skelfur,“ segir Egill Helgason, sjónvarpsmaður á bloggi sínu.

27. febrúar 2011 10:45

Annar stór jarðskjálfti

Auk stærsta jarðskjálftans sem varð klukkan rúmlega níu í morgun í Krýsuvík, upp á 4 stig, kom annar stór skjálfti klukkan 9:49 og mældist sá skjálfti upp á 3,3 stig samkvæmt vef Veðurstofunnar. Jarðskjálftinn fannst til dæmis mjög vel í Árbænum.

27. febrúar 2011 10:42

Skjálftahrina við Kleifarvatn

Jarðskjálfti upp á 3,2 á richter varð við Kleifarvatn klukkan 05:46. Annar álíka stór skjálfti varð klukkan 05:20 og hefur veðurstofu borist tilkynning að sá seinni hafi fundist á höfuðborgarsvæðinu. Þá varð annar stærri skjálfti klukkan rúmlega níu en sá fannst greinilega á höfuðborgarsvæðinu.

27. febrúar 2011 09:28