Félag fréttamanna ætlar að funda um stefnu Pálma

„Ég geri ráð fyrir að við munum halda stjórnarfund fljótlega og fara í gegnum þetta," segir Aðalbjörn Sigurðsson, formaður í Félagi fréttamanna á RÚV, um stefnu Pálma Haraldssonar í Fons gegn Svavari Halldórssyni fréttamanni.

Pálmi hefur stefnt Svavari, ásamt Páli Magnússyni útvarpsstjóra og Maríu Sigrúnu Hilmarsdóttur fréttaþul, fyrir frétt í kvöldfréttum RÚV þann 25. mars síðastliðinn. Fréttin laut að tveggja og hálfs milljarða króna láni frá Glitni rétt fyrir hrun gegn skuldaviðurkenningu í Baugi.

Aðalbjörn segir að menn hafi átt von á því að stefnan bærist. „Eins og staðan er núna að þá er þetta nú bara nánast eins og við var að búast," segir Aðalbjörn sem segir að menn í stöðu eins og Pálmi séu greinilega að reyna að hræða fréttamenn í þvi að fjalla um þá.