Bjarni Þór Viðarsson, fyrirliði íslenska landsliðsins, var kampakátur eftir 4-1 sigurinn á Þjóðverjum í dag. Sigurinn fer langt með að tryggja Ísland í umspilsleiki um laust sæti á EM á næsta ári.
"Þetta var frábær leikur að okkar hálfu. Það gekk allt sem við lögðum upp með eins og við vildum," segir Bjarni.
"Við ætluðum að bíða aðeins og sjá hvernig þeir spiluðu þetta. Við vissum að þeir væru svolítið veikir fyrir í öftustu varnarlínu og það var flott að skora strax."
"Við vörðumst líka vel og mörkin voru flott. Við höfum verið mjög einbeittir alla ferðina og vorum steðaráðnir í að gera eitthvað í þessum leik," sagði fyrirliðinn.
Bjarni: Allt sem við lögðum upp með gekk upp
Tengdar fréttir
Ísland nánast öruggt með sæti í umspili um laust sæti á EM
Aðeins átta þjóðir keppa um Evrópumeistaratitil undir 21 árs liða í Danmörku á næsta ári. Heimamenn fá sjálfkrafa þátttökurétt á mótinu en Ísland er í góðri stöðu eftir frábæran sigur á Þjóðverjum í dag.
Stórbrotinn sigur íslenska U-21 árs liðsins á Þjóðverjum
Íslenska U-21 árs liðið í knattspyrnu fór á kostum í Kaplakrika í dag er það kjöldróg eitt sterkasta lið Evrópu, Þýskaland, í undankeppni EM. Ísland er komið með átta stiga forskot á Þýskaland í riðlinum og á annað sætið nokkuð víst. Liðið getur enn unnið riðilinn þess utan.
Haraldur: Stoltur af því að vera hluti af þessu
"Þetta var gríðarlega fallegur leikur," sagði markmaðurinn Haraldur Björnsson sem átti góðan leik eins og allt U21 árs landsliðið gegn Þjóðverjum í dag.
