Fabregas og Torres biðla til þjálfarans um byrjunarsæti í úrslitaleiknum

Cesc Fabregas og Fernando Torres hafa báðir biðlað til Vicente del Bosque landsliðsþjálfara um að byrja úrslitaleikinn gegn Hollandi annað kvöld. Fabregs hefur komið við sögu í öllum leikjunum nema einum en Torres missti sæti sitt í byrjunarliðinu í undanúrslitunum eftir að hafa byrjað fimm leiki án þess að ná að skora. Báðir keppa þeir við Pedro um sæti í liðinu. "Ef ég er svo heppinn að byrja leikinn mun ég gefa allt sem ég hef. En ef ég þarf að byrja á bekknum verður að hafa það. Ég get ekkert gert nema biðla um tækifæri til að spila þennan ótrúlega leik," sagði Fabregas. Torres ku hafa talað við þjálfarann á hóteli Spánverja í gær. Hann mun hafa óttast um byrjunarliðssæti sitt og vonast til að gera þjálfara sínum eins erfitt fyrir og hann getur að velja liðið.