Zlatan Ibrahimovic: Ég veit ekki hvort ég fæ að spila í kvöld

Sænski framherjinn Zlatan Ibrahimovic er búinn að ná sér af kálfameiðslunum sem hafa hrjáð hann undanfarið og er klár í slaginn í kvöld þegar Barcelona sækir heima hans gömlu félaga í Inter. Þetta er fyrri leikurinn í undanúrslitum Meistaradeildarinnar.

„Ég veit ekki hvort ég fæ að spila í kvöld á móti Inter. Ég er klár í slaginn og búinn að ná mér af meiðslunum en það er algjörlega undir þjálfaranum komið hvort að ég fái að spila," sagði Zlatan Ibrahimovic.

„Ég var mjög vonsvikinn með það að geta ekki spilað á móti Arsenal og Real Madrid en ég hafði gaman af báðum leikjum úr stúkunni. Við spiluðum frábærlega í þessum tveimur leikjum en við megum samt ekki vanmeta Inter. Þetta verða tveir frábærir leikir," sagði Zlatan Ibrahimovic sem lék einmitt áður með Inter.

„Ég naut tímans í Mílanó og það gekk mjög vel. Það er mjög gaman að vera kominn aftur til Mílanó. Ég sé samt ekki eftir því að hafa valið það að fara til Barcelona," sagði Ibrahimovic.